ابراهيم عطاالله يكتب.... عارف مين أبو حلق في مناخيره وودانه ده !
ده يا سيدي يبقي( بريثفيراج سوكوماران )
عارف إسمه صعب .
بس ممكن تقراه علي تلات اربع اجزاء
بريث -فيراج - سوكو - ماران
عمنا بريث ده يبقي ممثل ومغني ومنتج سينمائي ، بيطير في الهواء و بيمشي علي المياه وبيتشقلب علي الحيط.
وكمان عين أعيان الهندوس في منطقته .
يعني ده اللي بيقيم الصلاة هناك ، ده المهدي بتاعهم .
عمنا بريث جه في 2015 قالك عايز أعمل فيلم إسمه ( أناركلي ) يكون فيه حبة مليطه حلوه كدة من اللي بتجيب فلوس ، شويه بنات علي ظباط هنود ونسترزق.
وقالك نصور الفيلم فين ؟
فين فين فين.
نصور الفيلم في منطقة المسلمين السُنه .
أحد المعاقل الإسلامية، الحته اللي فيها جوامع كتير .
واختار منطقة لاكشادويب، ويلا يا بنات تصور ، دلع ، فرفشه إبتدي.
جم سكان المنطقة وأئمة المساجد اعترضوا ، يا جماعة مينفعش ، يا جماعة ميصحش، صوروا في أي مكان تاني ، المنطقة كلها مسلمين .
وصاحبنا بريث راسه وألف سيف ما يصور إلا هنا ، واللي مش عاجبه يخبط دماغه في الحيط ،وايه كمان ، واحده من البنات هتعمل دور بنت مسلمة، واللي مش عاجبه يشرب من البحر .
وقالك إحنا اغلبيه ، ومفيش حاجه اسمها ممنوع ، دين وإسلام ده عنده جوه بيتك ، الشارع ده ملك الحكومه ، ولازم الجيش ينزل يحمينا وإحنا بنصور .
وقد كان، والجيش والشرطه نزلوا وتم التصوير بالفعل ،وصاحبنا انبسط وأتدلع ومشي كلامه علي السكان .
بس يا سيدي .
أه صحيح نسيت أقولك .
بريث ده هو منتج فيلم حياة ماعز اللي كل الناس بتتكلم عنه .
طيبين إحنا صح !!
طيب حد يعرف أن القصة الحقيقيه الرجل الهندي بعد الأربع سنين دول قتل السعودى ؟ ايوا قتله واتقبض عليه واولاد السعودى لما عرفوا إلى عمله أبوهم معه عفو عنه وجمع له مبلغ كبير ورجع بلده دا الجزء إلى مش هتشوفوه فى الفيلم ولا هتسمع عنه .؟ ممكن نكون كارهين لشخص او حد ما ولكن مستحيل تخلى كرهك له تساند فيلم مسئ لكل ماهو عربى واسلامى الفيلم دا مقصود به ابعاد سياسية ودينية فقط لاغير
تعديل أنا مش بدافع عن الكفيل ولا الشوال بس للحقيقة أوجه كثيره
الناس اللي كانت منتشيه بفيلم حياة الماعز بوضح ليهم عداء المخرج وكرهه للإسلام والمسلمين لكن طرحي البوست بمثابه أن الناس تعرف حقيقة مخرج الفيلم الهندي ده ايه لأن الناس حست بالانتصار وان الهندي جابلنا حقنا بأنه عمل الفيلم ده ردا علي الفيلم المسيئ لمصر اللي عمله شوال الرز
إرسال تعليق